17 қазанда Ж. Бектұров атындағы Қарағанды облыстық жасөспірімдер кітапханасында «Қазыналы орда әулеттері» республикалық кәсіби байқауының жеңімпаздарын марапаттау салтанатты рәсімі өтті.

Бұл байқау үшін кітапхана – жай ғана мамандық емес, ұрпақтан ұрпаққа жалғасып келе жатқан асыл дәстүр, өмірлік мұрат болып саналатын жандарды біріктірді.

Байқаудың ұйымдастырушысы – Қарағанды облысының мәдениет, архивтер және құжаттама басқармасының қолдауымен өткен Ж. Бектұров атындағы Қарағанды облыстық жасөспірімдер кітапханасы.

Салтанатты рәсімге құрметті қонақтар мен қазылар алқасының мүшелері қатысты: Н.К.Каленова – Ж.Бектұров атындағы Қарағанды облыстық жасөспірімдер кітапханасының басшысы; Ерасыл Ерболатұлы Жұмағалиев – қазылар алқасының төрағасы, Қарағанды облысының «Жастар ресурстық орталығы» КММ ақпараттық саясат және коммуникациялар бөлімінің басшысы; О.Н.Волкова – кітапхана ісінің ардагері, қазылар алқасының мүшесі; С.С. Шоменбаева – Қарағанды жоғары политехникалық колледжінің кітапхана меңгерушісі, қазылар алқасының мүшесі; А.Ж.Сүлейменова – Қарағанды облысы колледж кітапханашыларының облыстық әдістемелік бірлестігінің төрайымы.

Байқауды ұйымдастыру комитетіне еліміздің әр өңірінен 21 шығармашылық бейнежұмыс келіп түсті.

Сайыс екі номинация бойынша өтті:

• «Кітапханашылар әулеті. Династии библиотекарей»
• «Менің отбасымда кітапханашы бар»

«Кітапханашылар әулеті» номинациясының жеңімпаздары:

Гран-при — Ақмолдина Әсем Құрақбаевна (Ұлытау облысы, Жаңаарқа ауданы, С. Сейфуллин атындағы орталықтандырылған кітапханалар жүйесі).

І орын — Кыдырманова Акнур Сабыровна (Ұлытау облысы, Жезқазған қаласы, №2 үлгілі кітапхана-филиалы).

ІІ орын — Валиева Любовь Петровна (Қостанай қаласы, Л. Толстой атындағы облыстық әмбебап ғылыми кітапхана).

ІІІ орын — Омарова Асель Мухамедкаировна, Башай Таңнұр, Сақыбаева Шекер Нұрғалымқызы (Шығыс Қазақстан облысы, Өскемен қаласы, Оралхан Бөкей атындағы орталық қалалық кітапхана).

Аталған номинация бойынша ынталандыру сыйлықтарының иегерлері:

– Кабельдинова Сабина Рейнатовна, Бахытжан Майгуль, Бем Ирина Александровна (Нұра орталықтандырылған кітапханалар жүйесі);

– Шаймерденова Асем Жанахметовна, Нурмаганбетова Шарбат

(Қарқаралы орталықтандырылған кітапханалар жүйесі, Көктас ауылы).

«Менің отбасымда кітапханашы бар» номинациясының жеңімпаздары:

Гран-при — Амангелдинова Аяжан Талғатқызы (Қарағанды облысы, Балқаш қаласы, Балқаш орталықтандырылған кітапханалар жүйесі).

І орын — Сеченева Жанна Дмитриевна (Қарағанды облысы, Е.А. Бөкетов атындағы ұлттық зерттеу университеті журналистика факультетінің 3-курс студенті).

ІІ орын — Төлеутай Алина Берікболқызы (Қарағанды қаласы, Қан орталығының маманы).

Жеңіске деген жігері мен талпынысы үшін естелік сыйлықтармен марапатталғандар:

– Завистовская Ольга Александровна (Осакаров ауданы, Николаевка ауылы);

– Тұрсынхан Аиша Ерболқызы (Қарағанды облысы, Үштөбе тірек мектебінің оқушысы);

– Ескараева Жаңыл Булкайыровна (Ұлытау облысы, Жаңаарқа ауданы, Қараағаш ауылдық үлгілі кітапханасы);

– Аждарова Аяулым Сырымқызы (Қарағанды қаласы, «Алданыш» балабақшасының музыка жетекшісі).

Барлық қатысушыларға дипломдар мен сертификаттар табысталды.

Қатысушыларға музыкалық шашу ретінде Қарағанды қаласындағы №2 балалар өнер мектебінің эстрадалық вокал пәнінің оқытушысы Кошугулова А.С. тамаша ән тарту етті.

Кітапханашы - ол оқырманның рухани серігі, білім мен тәрбие мектебі.

Осы күннің жарқын естелігі бізді кітапхана ісінің бай дәстүрлерін сақтап, дамыта түсуге шабыттандырсын! Руханияттың шамы әрқашан жарқырай берсін!