18 сәуірде еліміздегі түрлі этностар мен мәдениеттердің бірлігін қамтамасыз ету бойынша Ассамблеяның атқарған еңбегін, оның тарихын, жетістіктерін талқылау мақсатында Қазақстан Халқы Ассамблеясының 30 жылдығына арналған «Ұлттар достығы» атты дөңгелек үстел іс-шарасы өтті.

Іс-шараға спикерлер ретінде Қарағанды қаласындағы «Ахыска» түрік этномәдени орталығы мен «Ихлас» татар-башқұрт этномәдени орталығының  @tatarlar_of_karaganda_ihlas өкілдері; Қарағанды медицина университеті «Қазақстан тарихы және әлеуметтік-саяси пәндер кафедрасының» ассистент профессоры Абдрахманова Камшат Жақсылыққызы.

Шара барысында спикерлер: Қазақстан Халқы Ассамблеясының құрылуының басты себебі; Қазақстан Халқы Ассамблеясының қазіргі таңдағы басты қызметі; Ассамблеяның рөлі мен бүгінгі қоғамдағы маңызы; Ассамблеяның бүгінде еліміздегі ұлттар мен ұлыстар арасында бірлік пен ынтымақтастықты сақтаудағы рөлі қалай жүзеге асып жатыр? - деген сұрақтарды талқылады.

Қарағанды медицина университеті «Күретамыр» тарихи-өлкетану үйірмесінің @kuretamyr21 мүшелері: Ағымова Назым – «Қазақстан халқы Ассамблеясы — бірлік пен татулықтың символы», Калдыбаева Жанэль - «Татулықты ту еткен Қазақстан Халқы Ассамблеясы» тақырыбында баяндамалар жасады.

«№97 гимназиясының» @gimnaziya.97 оқушысы Чаркаджы Кубра Мұқағали Мақатаевтың «Үш бақытым» өлеңін мәнерлеп оқыды.