16 сәуірде Ж. Бектұров атындағы Қарағанды облыстық жасөспірімдер кітапханасында Қарағанды облысының білім беруді дамыту оқу-әдістемелік орталығымен бірлесіп «Кітапханалық қызмет көрсету: сапа мен қолжетімділікке бағдарлар» маман күні өтті.

Іс-шараға Қарағанды облысының техникалық және кәсіптік, орта білімнен кейінгі білім беру ұйымдарының 25 кітапханашысы қатысты.

Әріптестер үшін Жайық Бектұров атындағы музей – кабинетке және «Кітапхана: кеше және бүгін»  атты кітапхана тарихына экскурсия өткізілді.

Мамандардың назарына кітапхана қорынан «Жастар аумағы» жаңа басылымдарының экспозициясы, «Бір ел-бір кітап» кітап көрмесімен танысу мүмкіндігі ұсынылды.

Кітапхана басшысының орынбасары Н.Ф. Шмойлова іс-шараны ашып, осындай іс-шараларды өткізудің маңыздылығын атап өтіп, барлығына жемісті жұмыс тіледі.

Бағдарлама аясында Ж.Бектұров атындағы Қарағанды облыстық жасөспірімдер кітапханасының қызметкерлері «Кітапханалық-ақпараттық қызмет көрсету: жаңа шындық» тренингі, «Кәсіби баспадағы әлем» кітапханалық баспа басылымдары мен онлайн-ресурстардың дайджесті тақырыбында баяндама жасады.

«Bekturov' s Brain Battle»:  ойын брендингіне кіріспе» интеллектуалды ойын форматында қатысушыларға кітапханалық-библиографиялық білімді жастар арасында қалай насихаттауға болатындығы көрсетілді.

Маман күні барысында колледж кітапханашылары Қарағанды облысы колледждерінің кітапханашылары ОӘБ төрағасы А. Ж. Сүлейменова ұсынған «Оқырман колледжі» жобасын іске асыру және «Біртұтас тәрбие» бағдарламасының «Балалар кітапханасы» жобасын іске асыру арқылы құндылықтарды сіңірудің қорытындылары және мониторингімен танысты.

«Заманауи оқырманға - заманауи кітапхана» баяндамасында Қарағанды жоғары политехникалық колледжінің кітапхана меңгерушісі С.С. Шоменбаева өз кітапханасын жаңғырту, компьютерлік технологияларды енгізудегі табысты тәжірибе, «Ирбис 64+» ААЖ туралы айтып берді.

Іс-шара соңында Қарағанды облысының білім беруді дамыту оқу-әдістемелік орталығының әдіскері Т.М.Баймағанбетова сұрақ-жауап сессиясында кездесуді қорытындылады, сондай-ақ кітапханашылар облыс колледждеріне мамандардың көшпелі күндері бойынша өз ұсыныстарын ұсынды.

Біз маман күніне қатысқан әріптестерімізге алғыс айтамыз және мұндай іс-шаралар бүкіл облыс бойынша жастармен жұмыста қолданылатын жаңа идеялар мен мүмкіндіктерді ілгерілетуге көмектеседі деп үміттенеміз.