8 тамызда «Оқырман Қарағанды» акциясы аясында қаланың орталық саябағында Ашық аспан астындағы оқу залы қайта ашылды.

  Абай күні қарсаңында ұлы ойшыл, ақын, әдебиет реформаторы, қазақ әдебиетінің негізін қалаушы, композитор, ағартушының құрметіне «Асыл сөзді іздесең, Абайды оқы, ерінбе!» кітап көрмесі ұйымдастырылды. «Абай – ұлт руханиятының темірқазығы» әдеби алаңында саябаққа келушілердің орындауында «Жастықтың оты жалындап, Жас жүректе жанған шақ», «Заман ақыр жастары...» және т. б. өлеңдер айтылды.

Ж.Бектұров атындағы Қарағанды облыстық жасөспірімдер кітапханасының қызметкерлері түрлі тақырыптағы әдебиеттерді ұсынды: «Қарағанды - кеншілер қаласы» - қиын әрі қатаң мамандыққа арналған әдебиеттер, «Миниатюралық кітаптар» (біздің мұражай қорының басылымдары), «Мектепке дайындық» - оқушыларға арналған анықтамалық басылымдар ұсынылды.

«Оқырман Қарағанды» акциясы аясында саябаққа келушілерге кітапханаға шақыру-буклеттер табыс етілді, қордағы кітаптар, мерзімді басылымдар, кітапхана көрсететін қызметтер, өткізілетін іс-шаралар және т. б. туралы айтылды. Ашық аспан астындағы оқу залы сияқты кітапхана жұмысының түрлері қарағандылықтарға ақпараттылығы, қолжетімділігі, көркемділігі, қатысушының өз қабілеттерін көрсету мүмкіндігі үшін ұнайды.